ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ

2023 оны 04 дүгээр сарын 20                                Улаанбаатар хот

1.    Таван толгой түлш ХХК-ний ТТТХХК/202301125 дугаартай MNS ISO 45001:2018 Хөдөлмөрийн аюулгүй байдал, эрүүл ахуйн менежментийн тогтолцоо стандарт нэвтрүүлэх зөвлөх үйлчилгээг нэвтрүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.

2.    Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулинд нийцүүлэн энэхүү зөвлөх үйлчилгээний тендерийн баримт бичигт тодорхойлсон журам болон [Хосолмол үнэлгээний арга ] аргад үндэслэн зөвлөх үйлчилгээний гүйцэтгэгчийг сонгоно.

3.    Зөвлөхийн саналын урилга нь дараах бүрдэл хэсгүүдтэй байна. Үүнд:

Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох дараах мэдээллийг ирүүлнэ.

3.1  Улсын бүртгэлийн гэрчилгээний эхээс хийсэн өнгөт хуулбарыг ирүүлнэ.

3.2  Монгол Улсын хуулийн дагуу татвар, хураамж, төлбөрөө тухайн тендер нээсэн өдрийн байдлаар бүрэн төлсөн, өр төлбөргүй байх шаардлагатай.

Нийгмийн даатгал, татварын тодорхойлолтыг ирүүлэх шаардлагагүй, “Төрийн худалдан авах ажиллагааны цахим систем” www.tender.gov.mn болон “Төрийн мэдээлэл солилцооны ХУР систем”-ээр дамжуулан Татварын ерөнхий газар, Нийгмийн даатгалын ерөнхий газрын цахим мэдээллийн сангаас шалгана.

3.3  Стандартын баталгаажуулалтын тусгай зөвшөөрөлтэй, итгэмжлэгдсэн эрх бүхий хуулийн этгээд байх.

3.4  Багийн бүрэлдэхүүн нь эрх зүйн шаардлага хангасан байх, мэргэжлийн өндөр ур чадвартай мэргэшсэн гишүүдээс бүрдсэн багтай байх.

3.5  Эрчим хүч, Уул уурхайн салбарт тус стандартыг хэрэгжүүлэн, нэвтрүүлж байсан туршлагатай байх.

3.6  Тендерт оролцогчийн санхүүгийн чадавхыг хянан үзэхэд үндэслэл болгох санхүүгийн тайлангийн хугацаа: 2021, 2022 он. Тус оны санхүүгийн тайланг өөрийн тендертээ хавсарган ирүүлэх шаардлагагүй бөгөөд цахим системээр дамжуулан Сангийн яамны цахим санхүүгийн тайлангийн www.e-balance.mof.gov.mn мэдээллийн системээс тендерт оролцогчдын сүүлийн 2 жилийн борлуулалтын орлого, бусад шаардлагатай мэдээллийг шалгана.

3.7  2021, 2022 онуудын аль нэг жилд батлагдсан төсөвт өртөгийн  30 хувитай дүйхүйц  ижил төстэй ажлыг доод тал нь нэг удаа хийж байсан байх шаардлагатай ба нотлох баримт ирүүлэх. Үүнд:

MNS ISO 45001:2018 Хөдөлмөрийн аюулгүй байдал, эрүүл ахуйн менежментийн тогтолцоо стандарт нэвтрүүлэх зөвлөх үйлчилгээ үзүүлж байсан туршлагыг тооцно.

(Гэрээний хуулбар,  гэрээгээр хүлээлгэн өгсөн актын хуулбар, тухайн зөвлөх үйлчилгээг цаг хугацаанд нь чанартай хийж гүйцэтгэсэн талаарх захиалагчийн тодорхойлолтыг ирүүлнэ.)

3.8  Стандартын баталгаажуулалтын олон улсын эрхтэй, итгэмжлэгдсэн эрх бүхий байгууллага байна.

Сонирхсон этгээд нэмэлт мэдээллийг 2023 оны 04 дүгээр сарын 27-ны өдрийн 09:00 цаг хүртэл авч болох бөгөөд мэдүүлгээ Төрийн худалдан авах ажиллагааны цахим систем www.tender.gov.mn-ээр 2023 оны 04 дүгээр сарын 28-ны өдрийн 09:30 цагийн дотор ирүүлнэ үү.

Улаанбаатар хот, Чингэлтэй дүүрэг, 1 дүгээр хороо Жигжид жавын гудамж 8, Таван толгой түлш ХХК-ний байр, Утас: 99064548