Өвөлжилтийн бэлтгэл хангах ажлын хүрээнд Монгол Улсын Шадар сайд С.Амарсайхан, Засгийн газрын Хэрэг эрхлэх газрын дарга Д.Амарбаясгалан, БОАЖ-ын сайд Б.Бат-Эрдэнэ, Эрчим хүчний сайд Б.Чойжилсүрэн Тавантолгой түлш ХХК-д өнөөдөр ажиллав. Өнөөдрийн байдлаар Тавантолгой түлш ХХК нийслэлийн долоон дүүрэгт 100.000 тн сайжруулсан түлш нөөцлөөд байна. Түүхий эдийн татан авсан нөөц 210.000 тн байгааг компанийн захирал Ц.Даваацэрэн танилцууллаа. 
 
Энэ сарын 15-наас сайжруулсан шахмал түлшийг Улаанбаатар хотод 650 цэгээр борлуулж эхлэхээр бэлтгэл ажлыг хангажээ. Сайжруулсан шахмал түлшний чанарыг сайжруулахаар үйлдвэрүүдийн хатаалтын системийг өргөжүүлэн ажиллаж байна. Сайжруулсан шахмал түлшний түүхий эд мидлингийг автозамаар тээвэрлэн авчрахад зам эвдрэх зэрэг сөрөг нөлөөтэйгээс төмөр замаар тээвэрлэх, үүнд зориулан зүүн болон баруун үйлдвэрт өндөрлөгөөтэй зам барих ажил дуусах шатандаа орсныг ч онцоллоо. Харин мидлингийг тээвэрлэн авчрах вагон дутагдалтай байна.  
 
Шадар сайд С.Амарсайхан "Сайжруулсан шахмал түлшний чанар, нөөц, борлуулалт, тээвэрлэлтэд онцгой анхаарч нийслэл хот, Эрчим хүчний яам, БОАЖЯ-нд уялдаа холбоотой нягт хамтран ажиллах ёстой. Хоорондын уялдаа холбоогоо сайжруул. Одоо илүү дутуу шалтаг тооцох цаг биш гэдгийг тэрээр санууллаа. 
 
Засгийн газрын Хэрэг эрхлэх газрын дарга Д.Амарбаясгалан: "Монгол Улсын хүн амын тэн хагас нь амьдарч байгаа хотын хүн амыг түлшээр хангах ажилд хот, дүүргийн удирдлагууд онцгой анхаарал хандуулах хэрэгтэй. Агаарын бохирдлыг бууруулах ажил дан ганц Засгийн газрын ажил биш. Үйлдвэрлэгч компанийн хувьд чанартаа анхаар. Үйлдвэрлэлд шаардлагатай тоног төхөөрөмж, хүн хүчний асуудлаа салбар яамандаа тавьж шийдвэрлүүл" хэмээсэн юм. Тавантолгой түлш ХХК-ийн хувьд сайжруулсан түлшний барьцалдуулагч бүтээгдэхүүнийг дотооддоо үйлдвэрлэх туршилт судлагааны ажлыг эхлүүлээд байгаа. Энэ нь амжилттай болвол агаарт ялгарах хүхрийн хэмжээг хоёр дахин бууруулах юм.

Эрчим хүчний салбарын нийт инженер техникийн ажилтан, ажиллагсад, эрдэмтэн судлаачид, ахмадууддаа 100 жилийн ойн баярын мэнд дэвшүүлье. Монгол орны гал голомт болсон Эрчим хүчний салбар үүсэж хөгжсөний 100 жилийн ойд зориулж салбарын ажилтан албан хаагчдын дунд спортын уралдаан тэмцээн зохион байгуулагдаж байгаа юм. Голомтонд гал ноцоох ариун үйлст залуусын төлөөлөл сагс, волейбол, ширээний теннис, дартс, шатар, олс таталт гэсэн спортын 6 төрлөөр 55 тамирчний бүрэлдэхүүнтэй их ойн тэмцээнд өрсөлдөж байна. "Тавантолгой түлш"-ийнхэнд амжилт хүсье!  

Тавантолгой түлш ХХК-ийн зүүн бүсийн үйлдвэрт нүүрс буулгах зориулалт бүхий өндөрлөсөн тавцантай 320 метр төмөр замыг барьж дуусгалаа. Засгийн газрын тогтоолоор сайжруулсан шахмал түлшний түүхий эдийг авто замаар бус төмөр замаар татан авах шийдвэрийг гаргасан. Тогтоолын хүрээнд зүүн бүсийн үйлдвэрт төмөр зам барих ажлыг энэ оны долдугаар сараас эхлүүлсэн. Энэ төмөр замыг ашиглалтад оруулснаар сайжруулсан түлшний түүхий эдийг авто замаар тээвэрлэхгүй гэсэн үг. Ингэснээр авто зам дагасан осол аваар буурч, замын эвдрэл гэмтэл гарах нь буурна гэдгийг Худалдан авах ажиллагааны албаны дарга Б.Лхагвасүрэн хэлж байлаа. Төмөр зам барих ажлыг хоёр багцад хувааж байгаа бөгөөд эхний багц ажил болох өндөрлөсөн тавцан бүхий төмөр зам ийнхүү ашиглалтад орж байгаа юм. Хоёрдугаар багц ажлын хүрээнд 4 км бүхий гаалийн терминал, сайжруулсан шахмал түлшний түүхий эд буулгах талбай зэргийг барьж байгуулах юм. Энэ ажлыг ирэх аравдугаар сарын 30 гэхэд ашиглалтад оруулахаар ажиллаж байна гэдгийг албаныхан хэлж байлаа.Зам барих энэхүү ажлыг Улаанбаатар төмөр зам болон Талын төмөр зам ХХК хамтран гүйцэтгэж байгаа юм.

 

Угаарын хий мэдрэгчийг зааврын дагуу ажиллуулж, аюулгүй байдлаа хангаарай. Сайжруулсан шахмал түлшийг заавар, зөвлөмжийн дагуу зөв түлж хэрэглээрэй. Угаарын хийн хордлогоос урьдчилан сэргийлье.    

Галлагааны улирал эхлэж байгаатай холбогдуулан зуух, пийшингийн битүүмжлэл алдагдах, бөглөрөл үүсэх, яндангийн хүхээгийн хаалтыг хаасан зэргээс үүдэн иргэд угаарын хийн хордлогод өртөх эрсдэл нэмэгдэх, эрүүл мэнд амь нас хохирох хүртэл эрсдэл үүсдэг. Үүний сацуу гэр байшингийнхаа дулаалгыг бүрэн хийж, битүүмжлэл хангаагүйгээс галлагаа ихсэж, орчны бохирдол нэмэгдэх, нийгмийн эрүүл мэндийн өвчлөл нэмэгдэх нөхцлийг бүрдүүлж байна. Орчны бохирдлыг бууруулах үндэсний хороо, Байгаль Орчин Аялал Жуулчлалын Яам, Эрчим Хүчний Яам, ЦЕГ-ын Экологийн Цагдаагийн Алба, Онцгой Байдлын Ерөнхий Газар, Мэргэжлийн Хяналтын Ерөнхий Газар, Таван Толгой Түлш компани, Нийгмийн Эрүүл мэндийн Үндэсний Төв зэрэг холбогдох байгуулагуудын хамтарсан  агаарын бохирдлыг бууруулах ажлын хүрээнд угаарын хийн хордлогоос урьдчилан сэргийлэх, амьдралын зөв дадлыг төлөвшүүлэх  "Яндангаа хөөлье-Өнтэй өвөлжье" аяныг өнөөдрөөс эхлэн 1 сарын хугацаатай зохион байгуулж байна. Аяны хүрээнд: Гэр хорооллын айл өрхүүд яндангийн хөө тортгийг тогтмол цэвэрлэх дадлыг бий болгох, агаар бохирдуулагч хий болон нарийн ширхэгт тоосонцоруудыг бууруулах сургалтуудыг тогтмол зохион байгуулах, шаардлагатай тусламж дэмжлэг үзүүлэх Тээврийн хэрэгслийн янданд утаа шүүлтүүр суурилуулах, шаардлага хангасан хөдөлгүүрийн тос, байгалийн гаралтай шаталт дэмжих нэмэлт бүтээгдэхүүн хэрэглэх талаар мэдээлэл хүргэх Дотоод орчны угаарын хийн хордлогоос урьдчилан сэргийлэх, янданг хэрхэн зөв хөөлөх, галлагааны арга ажиллагааны талаар зааварчилгаа өгөх, гэр байшингийн битүүмжлэлийг хангах талаар гарын авлагa зөвлөмжүүдийг түгээн дэлгэрүүлэх Угаар мэдрэгч айл өрхүүдэд суурилуулан, тогтмол ажиллагааг ханган, эмзэг бүлгийн айл өрхүүдийн ханан пийшинг хөөлөх, зөвлөмж мэдээлэл өгөх зэрэг ажлуудыг холбогдох төрийн байгууллагуудтай хамтран шуурхай алба байгуулан, хэрэгжилтийг ханган ажиллах юм. Өвөлжилтийн бэлтгэл хангах ажлын хүрээнд Тавантолгой түлш ХХК өнөөдрийн байдлаар 91.650 тонн сайжруулсан шахмал түлш бэлтгэн нийслэлийн 7 дүүргийн хэмжээнд нөөцлөөд байна. Энэ нь өнгөрсөн оны мөн үетэй харьцуулахад 30 гаруй мянган тонноор илүү байгаа юм. 2022-2023 оны галлагааны улиралд нийслэлийн хэмжээнд борлуулалтын 650 цэг ажиллуулахаар төлөвлөжээ. Үүнээс эхний ээлжинд өнгөрсөн онд үйл ажиллагаагаа 100 хувь дүгнүүлсэн 423 цэгтэй хамтран ажиллах гэрээгээ сунган, энэ сарын 15-наас борлуулалтаа эхлүүлнэ. Харин үлдсэн 247 цэгийг Нийслэлийн агаарын бохирдолтой тэмцэх газрын дарга н.Ганболдоор ахлуулсан ажлын хэсэг сонгон шалгаруулж, 10 сарын 1 гэхэд 650 цэгийг бүрэн ажиллуулахаар төлөвлөж байна. Энэ жилээс эхлэн Налайх дүүрэг агаарын чанарын бүсэд хамрагдаж, сайжруулсан шахмал түлш хэрэглэх болсонтой холбоотой тус дүүргийн 7800 өрхөд борлуулалтын 28 цэгээр түлш худалдаалах ажлыг зохион байгуулна. Өнөөдрийн байдлаар Баруун бүсийн үйлдвэр зургаан шугам тогтмол ажиллаж, нөөц бүрдүүлэлт хийж байгаа бол гурван шугамын засвар үйлчилгээг хийж, ажиллуулахад бэлэн болгоод байна. Зүүн бүсийн үйлдвэрт хоёр шугам тогтмол ажиллаж байна. Түлшний түүхий эд болох мидлингийн нөөц 185.000 мянган тонн байна.

Улаанбаатар хотыг агаарын бохирдолгүй, иргэдэд ээлтэй хот болгох үүднээс сайжруулсан шахмал түлш хэрэглэх болсон. Ирэх өвөл түлэх сайжруулсан шахмал түлшний нөөц бүрдүүлэлт ямар байгаа талаар холбогдох албан тушаалтнууд ийн тайлбарлаж байна. Нийслэлийн Агаар, орчны бохирдолтой тэмцэх газрын дарга Ц.Ганболд: -Нийслэлийн хувьд Улаанбаатар хотын агаарын бохирдолтой холбоотой гурван чиглэлийн үүргийг хүлээн ажилладаг. Тодруулбал, сайжруулсан түлшний нөөцийн агуулах, тээвэрлэлт, борлуулалтын цэгийн асуудлыг бид хариуцдаг гэсэн үг. Энэ жилийн хувьд сайжруулсан түлшийг тавдугаар сарын 1-ний өдрөөс үйлдвэрлэж нөөцөлж эхэлсэн. Одоогоор 80 мянган тонны нөөцтэй байна. Түлшний тээвэрлэлтийг 29 компанитай гэрээ байгуулан шийдвэрлэж байгаа. Шинээр 227 борлуулалтын цэг байгуулахаар тендер зарлаж, борлуулагчдыг шалгаруулж эхэлсэн. Есдүгээр сарын 15-аас борлуулалтын цэгүүд ажиллаж эхэлнэ. "Таван толгой түлш" ХХК-ийн Санхүүгийн албаны дарга Г.Ундармаа: -Манай компанийн баруун үйлдвэрт таван шугам, зүүн үйлдвэрт хоёр шугам ажиллаж, өдөр тутамд 1006.5 тонн түлш үйлдвэрлэж байна. Түлш үйлдвэрлэх түүхий эд буюу мидлингийн нөөц 144611 тонн байгаа бол барьцалдуулагч 8000 тонн, шуудай 788327 ширхэг, үйлдвэрлэсэн түлш 80 орчим мянган тонны нөөцтэй байна. Энэ нь өмнөх оны мөн үеэс илүү байна гэсэн үг. Өнгөрсөн өвөл 607 цэгээр борлуулалт хийж байсан бол энэ онд цэгийн тоог 670-д хүргэхээр зорьж байна. Өмнөх жил ажилласан 450 цэгийн хувьд гэрээний үүргээ биелүүлсэн учир сунгаж ажиллахаар болсон. Сайжруулсан шахмал түлшний үйлдвэрлэл, нөөцлөлтийг жигд явуулахын дээр түлшний чанарт онцгойлон анхаарахыг Нийслэлийн Засаг дарга үүрэг болгов. Түлшний нөөц бүрдүүлэх ажлын хүрээнд дараах ажлуудыг эрчимжүүлж ажиллахыг үүрэг болголоо. Үүнд: Сайжруулсан түлш нөөцлөх агуулахыг нэмж бэлтгэх Түлшний түүхий эд болон түлшний нөөц бүрдүүлэхэд анхаарах Түлш борлуулах цэгүүдийг бэлтгэх Иргэдэд угаарын хийн хордлогоос  урьдчилан сэргийлэх талаар мэдлэг, мэдээлэл олгох зэрэг ажлыг өрнүүлэхийг санууллаа. НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

Тавантолгой түлш ХХК, Нийслэлийн агаарын бохирдолтой тэмцэх газартай хамтран сайжруулсан шахмал түлш худалдан борлуулах цэгүүдийн сонгон шалгаруулалтыг хийж ирэх сарын 15-аас түлш худалдаалж эхэлнэ. Борлуулалт эхлэхтэй холбогдуулан түлш хэрэглэгч өрх бүр хэрэглээний "Сайн" картаа идэвхижүүлэх шаардлагатай байгааг холбогдох албаныхан хэлж байна. Хэрэглэгч та картаа идэвхижүүлэхдээ Тавантолгой түлш ХХК-ийн Дуудлага харилцааны 700-9400 дугаарын утсанд хандаж 2 дугаар шугамаар дамжин холбогдож картын дугаараа шүүлгэж идэвхитэй эсэхийг шалгуулна. Мөн карт шинээр болон нөхөж авах бол дээрх утсаар мэдээлэл авах боломжтой юм.

"Тавантолгой түлш" ХХК-ийн зарим ажлын байранд ажиллаж байгаа ажилчдыг хөдөлмөрийн хортой нөхцөлд хамруулах асуудлаар БОАЖ-ын сайд Б.Бат-Эрдэнэ, Нийслэлийн Засаг даргын орлогч З.Төмөртөмөө, Нийгмийн хамгаалал, хөдөлмөрийн яамны төлөөлөл, компанийн Гүйцэтгэх захирал Ц.Даваацэрэн тэргүүтэй удирдлагуудтай уулзлаа. Хөдөлмөрийн нөхцлийг тодорхойлох ажлын талаар авч хэрэгжүүлж байгаа арга хэмжээний талаар компанийн Захиргаа  удирдлагын албаны дарга Э.Ууганцэцэг танилцуулсан юм. Тэрээр "Хөдөлмөрийн нөхцлийг тодорхойлох асуудлаар Хөдөлмөр, нийгмийн хамгааллын яам-Хөдөлмөрийн аюулгүй байдал, эрүүл мэндийн төвөөр 2021.10.25 – 2021.11.02 – ны өдрийг хүртэл 21 ажлын байранд хөдөлмөрийн нөхцлийн үнэлгээ хийлгүүлэн, ирүүлсэн зөвлөмж, тайланд үндэслэн гүйцэтгэх захирлаар батлуусан ажлын хэсэг, удирдамж, төлөвлөгөө гарган, хэрэгжүүлэн ажиллаж байна. Хөдөлмөрийн нөхцөлийн үнэлгээ хийлгэх  92 ажлын байранд 1793 ажилтан байгаагаас 2022 онд 30 ажлын байранд үнэлгээ хийлгэхээр төлөвлөн ажиллаж байна" гэв. Дээрх ажлын байранд ажиллаж байгаа хүмүүсийг Хөдөлмөрийн хүнд нөхцөлд хамруулснаар эхний таван жилд 102, арван жилийн хугацаанд 153 хүн тэтгэвэрт гарах судалгаа байгаа юм. БОАЖ-ын сайд Б.Бат-Эрдэнэ, "Улаанбаатар хотын агаарын бохирдлыг бууруулахын тулд хүнд хүчир ажлыг амаргүй нөхцөлд хийж байгаа ажилчдын хөдөлмөрийн нөхцлийг тодорхой болгох асуудлыг даруйхан шийдэх хэрэгтэй байгааг холбогдох салбарынханд уламжлав. Тавантолгой түлш ХХК-ийн ажилчдын зарим ажил, мэргэжлийг хөдөлмөрийн хортой нөхцөлд хамруулснаар тэтгэвэрт гарах насыг таван жилээр наашлуулах, цалин нэмэгдэх, амралтын хугацаа уртсах боломжтой юм.  Хөдөлмөрийн үндэсний зөвлөл ирэх долоо хоногт хуралдаж Тавантолгой түлш ХХК-ийн зарим ажлын байр, түүнд ажиллаж байгаа ажилчдыг хөдөлмөрийн хортой нөхцөлд оруулах асуудлыг эцэслэн шийдвэрлэнэ.

Нийслэлийн агаарын чанарыг сайжруулсан бүст Налайх дүүрэг энэ жилээс багтаж, сайжруулсан шахмал түлш хэрэглэхээр болсон. Налайх дүүргийн хувьд 7800 өрх байх бөгөөд дээх өрхүүдэд борлуулалтын 28 цэгээр түлш худалдан борлуулна. 2022-2023 оны галлагааны улиралд хэрэглэгчдэд заавар зөвлөгөө өгч ажиллах Хяналтын ажилтнуудаа өчигдөр сургалтад хамрууллаа. Хяналтын ажилтнууд нь айл өрхүүдээр явж галлагааны зөв горим, угаараас урьдчилсан сэргийлэх заавар зөвлөгөө, угаар мэдрэгч хэрхэн зөв ажиллуулах, суурьлуулах, сайжруулсан шахмал түлшний онцлог, давуу тал зэргийг айл өрх бүрт өгч ажилладаг юм. Мөн сайжруулсан шахмал түлш худалдан авах эрхийн Сайн картыг хэрхэн ашиглах, хэрхэн үйлчилгээний эрхийг сэргээх зэрэг мэдээ мэдээллийг өгсөн юм.

Сайжруулсан шахмал түлшний хувьд өнөөдрийн байдлаар 75 мянган тонн түлшийг нөөцөөлжээ. Энэ нь өнгөрсөн оны мөн үеийнхтэй харьцуулахад 15 мянган тонноор илүү байгааг Нийслэлийн Агаар, орчны бохирдолтой тэмцэх газрын хэлтсийн дарга мэдээллээ. Галлаганы улирал удахгүй эхлэх тул Тавантолгой түлш ХХК 2022-2023 онд сайжруулсан шахмал түлш худалдан борлуулах хүсэлтэй иргэдийг өчигдрөөс цахим хаягаар бүртгэж эхэллээ. Нийслэлийн хэмжээнд энэ оны есдүгээр сарын 1-ээс 2023 оны тавдугаар сарын 15-ны хооронд  670 цэгээр сайжруулсан шахмал түлш худалдан борлуулна.  Дүүрэг тус бүр хүн ам, өрхийн тооноос хамааран харилцан адилгүй байх юм. Өнгөрсөн оноос эхлэн  хамтран ажилласан борлуулалтын цэгүүдээс үр дүнгээ 100 хувь хангалттай дүгнүүлсэн 423 цэгтэй гэрээгээ үргэлжлүүлж, хамтран ажиллах юм байна. Харин үлдсэн 247 цэгийг цахим хаягаар хүсэлт илгээсэн иргэдээс сонгон шалгаруулж гэрээ байгуулна. Сонгон шалгаруулалтыг Нийслэлийн агаарын бохирдолтой тэмцэх газрын дарга Ц.Ганболдоор ахлуулсан хамтарсан ажлын хэсэг шалгаруулах юм. Иргэдийн хүсэлтийг энэ сарын 21-ний 18:00 цаг хүртэл хүлээн авах аж.

Тавантолгой түлш ХХК 2022-2023 оны галлагааны улиралд сайжруулсан шахмал худалдан борлуулах хүсэлтэй иргэдийг өнөөдрөөс www.burtgel.ttt.mn цахим хаягаар бүртгэж эхлэлээ.Галлагааны улиралд нийслэлийн хэмжээнд 670 цэгээр сайжруулсан шахмал түлш худалдан борлуулах бөгөөд дүүрэг тус бүр хүн ам, өрхийн тооноос хамааран харилцан адилгүй байх юм.2021-2022 оны галлагааны улиралд хамтран ажилласан борлуулалтын цэгүүдээс үр дүнгээ 100 хувь хангалттай дүгнүүлсэн 423 цэгтэй гэрээгээ үргэлжлүүлж, хамтран ажиллана. Үлдсэн 227 цэгийг дээрх цахим хаягаар хүсэлт илгээсэн иргэдээс сонгон шалгаруулж гэрээ байгуулна.Сонгон шалгаруулалтыг НАБТГ-ын дарга Ц.Ганболдоор ахлуулсан хамтарсан ажлын хэсэг шалгаруулах юм. Иргэдийн хүсэлтийг энэ сарын 21-ний 18 цаг хүртэл хүлээн авна.